आषाढ ४, २०८३ / 2026-06-18
आषाढ ४, २०८३ / 2026-06-18
२५ असोज,वीरगञ्ज । भ्रष्टाचार अभियोगमा दोषी ठहरिएका रौतहटको फतुवा विजयपुर नगरपालिकाका प्रमुख गोपाल राय यादवलाई सजाय भएको छ ।
प्रमुख यादवलाई तीन वर्ष कैद र १५ लाख रुपियाँ जरिवाना तोकिएको छ ।
विशेष अदालतले कसुर ठहर्याएपछि यादवलाई उक्त सजाय सुनाइएको हो ।
प्रचलित ऐन कानुन विपरीत लाल बकैया नदीको ठेक्का रद्द गरी पालिकालाई आर्थिक नोक्सान पुर्याएको भन्दै अख्तियार दुरुपयोग अनुसन्धान आयोगले दायर गरेको मुद्दामा विशेष अदालतले प्रमुख यादवलाई दोषी ठहर गरेको हो ।
उहाँ स्थानीय निर्वाचनमा दोस्रो कार्यकालको लागि पनि चुनिनुभएको थियो । उक्त प्रकरणमा आयोगले २१ जनालाई प्रतिवादी बनाएकोमा अदालतले प्रमुख यादवलाई मात्रै ठहर गरेको थियो ।
